xoves, 28 de maio de 2015

GAÑADOR DA ACTIVIDADE DE RELIXIÓN PARA O PROXECTO MATEMÁTICO

Hoxe na biblioteca durante o recreo, o alumnado estivo a resolver a actividade de Relixión para o Proxecto matemático, resultando gañador da mesma o alumno de 2º ESO, Jorge Macía González.

                                                                Parabéns Jorge!!!




                                                                         

xoves, 21 de maio de 2015

MARCAPÁXINAS GAÑADOR

Como xa sabedes, fíxose un concurso de marcapáxinas como cada ano e quen quixera participar tiña que depositar o seu modelo na caixa do correo que hai á entrada da biblioteca.
O xurado decidiu dar o primeiro premio ao marcapáxinas da alumna Iuliana Luculescu de 1º de BACH e o segundo ao da  alumna de 1º da ESO, Lucía Lourido Cigarrán.


               NORABOA ÁS DÚAS E MOITAS GRAZAS POLA VOSA PARTICIPACIÓN.



Para ver o marcapáxinas gañador, preme MARCAPÁXINAS GAÑADOR


mércores, 20 de maio de 2015

ACTIVIDADE DE RELIXIÓN PARA O PROXECTO MATEMÁTICO

E xa para rematar a quenda de actividades do Proxecto matemático, subimos a actividade do departamento de Relixión que leva por título A Biblia. Animádevos a ir pola última!!! deixámola aquí no blog ata o MARTES 26 que se resolverá  na biblioteca do centro e no tempo do recreo.

Para ver preme AQUÍ

INTERCAMBIO CO IES MARÍA SARMIENTO DE VIVEIRO

Onte martes, alumnado dos clubs de lectura do instituto fixeron unha viaxe a Viveiro dentro dun programa de intercambio co IES María Sarmiento organizado pola biblioteca e o ENDL do noso centro. Ademais do alumnado pertencente aos clubs de lectura, foron tamén outros alumnos e alumnas da ESO. Ían acompañad@s polas profesoras Elena Aller e Carme Peón.
Nesta visita, foron recibid@s polo director do centro viveirense. Pouco despois, o noso alumnado foi visitar as dependencias de REGALCERÁMICA onde o ceramista Otero Regal lles fixo unha demostración de pintura. Como complemento a esta visita a Cerámica Regal, @s alumn@s dos dous institutos, desprazáronse a Chavín para ver no Souto da Retorta os eucaliptos xigantes, entre eles o máis famoso " o avó".
Xa como complemento desta visita a Viveiro, e xa de retorno para A Pontenova, o noso alumnado e as profesoras acompañantes, pararon  no porto de Burela para visitar a lonxa.
 A comezos do curso 2015-2016, será o alumnado de Viveiro o que nos visite ao noso centro.
Foi un día de encontros e de moita ledicia.



GAÑADORES DA ACTIVIDADE LA FRANCOPHONIE

Os gañadores da actividade proposta polo departamento de Francés son os seguintes:

GAÑADORES DA ACTIVIDADE FRANCOPHONIE


                               PARABÉNS A TOD@S!!!

SOLUCIÓN Á ACTIVIDADE DE FRANCÉS DO PROXECTO MATEMÁTICO

Poñemos aquí a solución da actividade do departamento de Francés que se realizou este mércores  na aula de Informática e que pertence ao Proxecto matemático.

LA FRANCOPHONIE SOLUTIONS

mércores, 13 de maio de 2015

CONCURSO DE MARCAPÁXINAS

Queremos lembrarvos que segue aberto o prazo de presentación para o concurso de marcapáxinas que unha vez máis a biblioteca convoca a finais de curso.... non o esquezades!!! Sabemos que hai exames e que nestas datas andades a mil, pero un último esforzo ben paga a pena porque o marcapáxinas que resulte gañador vai servir de agasallo.
Animádevos que está a piques de rematar o prazo... venres 15 de maio!! 

CARTAZ CONCURSO DE MARCAPÁXINAS

LA FRANCOPHONIE

O departamento de Francés é o penúltimo deste curso que presenta novamente unha actividade La Francophonie para o Proxecto matemático. Será a vosa quenda de resolver...será o  mércores 20 na AULA DE INFORMÁTICA e durante o recreo...
Preme para ver, AQUÍ


                                                                    Allez, allez!!!

martes, 12 de maio de 2015

GAÑADORES DA ACTIVIDADE MATEMÁTICA DA AULA PT

No recreo de hoxe, o alumnado foi pola biblioteca para tentar resolver a actividade matemática CABALO-XINETE que propoñía a aula de PT, sendo @s alumn@s seguintes os que deron coa solución:

SOLUCIÓN CABALO-XINETE


                                                                            PARABÉNS!!!

GAÑADORES CALIGRAMAS MATEMÁTICOS

Os gañadores da actividade Caligramas matemáticos plantexada polo departamento de Lingua Castelá  e que se resolveu hoxe na biblioteca do centro foron os que aparecen a continuación. Se queredes ver o listado preme  AQUÍ

                                                       NORABOA A TOD@S!!!!

XOSÉ FILGUEIRA VALVERDE: LETRAS GALEGAS 2015

Da Secretaría Xeral de Cultura recollemos un vídeo realizado pola produtora Algarabía con textos do autor ao que este ano se lle adica o Día das Letras Galegas, Xosé Fernando Filgueira Valverde.
Para velo, preme nesta ligazón:

TEXTOS DE XOSÉ FILGUEIRA VALVERDE





luns, 11 de maio de 2015

LIBERDADE DE PRENSA MEDIO AMBIENTE

Para celebrar o Día Mundial  do Medio Ambiente cara ao 5 de xuño, a biblioteca do IES ten previsto traballalo coa prensa xa que o pasado 3 de maio, tamén foi o Día Mundial da Liberdade de Prensa, unificando, deste xeito, dúas actividades moi próximas no tempo.
Como a nosa biblioteca recibe semanalmente o Sermos Galiza, empregarémolo para facer actividades con el.

mércores, 6 de maio de 2015

CABALO-XINETE PROXECTO MATEMÁTICO DE PT

Continuando coas actividades interdisciplinares do Proxecto matemático, nova quenda para a aula de PT que hoxe presenta unha actividade que de seguro vos vai entreter. Leva por título Cabalo-xinete ... a ver se sodes quen de ir atopándolle a solución.
Agardámosvos na biblioteca o mércores 13 durante o  recreo... non faltedes!!! xa falta pouco para que estas actividades rematen e cantos máis puntos acadedes nos vosos carnets de participantes, mellor será o premio.
Para poder visualizala preme aquí debaixo:

CABALO-XINETE

AVISO DE CAMBIO NA ACTIVIDADE DE LINGUA CASTELÁ PARA O PROXECTO MATEMÁTICO

Por motivos alleos á organización das actividades do Proxecto matemático, o equipo de biblioteca traslada a actividade Caligramas matemáticos do seminario de Lingua Galega e Literatura que tiña que resolverse hoxe mércores día 6, para o vindeiro martes día 12 durante o tempo de recreo.
Pregamos desculpas a tod@s @s que asististes hoxe puntualmente á biblioteca e animámosvos a que pasedes de novo o MARTES 12.

 Por outra banda, lembrámosvos que , como vén sendo habitual, o mércores 13, atendendo ao calendario previsto, resolverase a actividade da aula de PT no lugar e hora de costume.